لاتین آمئریکاسیندان بیر اؤیکو / دیکتاتور کیتابیندان

سيلينمه‌ين لكه / خوان بوْش، ایواز طاها

بويوروجو [‌آمرانه] اوْلمايان بو سس، ديوارلاري باهالي پارچالارلا اؤرتوٍلموش زالي [تالاري] دوْلدوردو. سسين هاردان گلديييني آنلاماق اوْلموردو. گومانيم‌جا اوردا گؤردوٍيوم نسنه‌لرین هاميسي  بير آندا منيم‌له دانيشيرديلار. تالارين يئريني آغ‌ـ قارا مرمر داش­لار،  پيلله‌لري ايسه چيخيش قاپي‌سيناجان ‌قيرميزي خالچالار اؤرتموٍشدو. رنسانس دؤنمي‌نين چيني ديره‌ك‌لري، قيزيل داش يازي­لاري، و ايكي بؤيوك «بوهم» كريستالي. ويترين‌ده‌كي سايسيزـ حئسابسيز باش­لارين جينقيرلاري چيخماياجاغيني آپ­آيدين بيليرديم.

ادامه نوشته

ساعیدی‌دن بیر اؤیکو

کده‌ر يئلي

غلام‌حسین ساعیدی/ ایواز طاها

كوٍچه‌نين باشيندا يئرلشن بير تئلئفون كؤشكوٍنون [کيوسک] قاباغيندا جاماعات صف باغلاييب. هاوا سوْيوق‌دور. ياغيش ياغير. دؤزوٍم­سوٍز آدام­لار  گؤزلريني كؤشكوٍن ايچينه زيلله‌ييب‌لر. دسته‌يي الينه آلميش بير كيشي، تئلئفونلا دانيشير. توْختاق‌دير، كيمسه‌ني وئجينه آلمير. گوٍلور، اوغونوب كئچير.

 

 

ادامه نوشته

دلی: روماندان پارچالار

"دلي" آدلی رومان نهايت‌کي باشا چاتدي. ايواز طاهانين دئديينه گؤره، 1996ـ‌جي ايلين يازيندا باکيدا بو اثرین تأليفينه باشلاميش، اوزون سوره اونو اونوتموشدور. آمما اؤتن پاييزدا موغاندا اولارکن روماني باشا چاتديرماق قرارينا گلير. اثرين آدي کئچيجي‌دير و چاپدان اؤنجه دييشه بيلر. (روماندا اورتوگرافيک علامت‌‌لره بوتونلوک‌له‌ رعايت اولونموشدور. اگر اونون اوخونوشوندا چتين‌ليک چکسه‌سه‌نيز ايمئيلميز واسيطه‌سي ايله آذربايجان تورکجه‌سي‌نين ايملاسينا اويغونلاشديريلميش "لوتوس" فونتونو بيزدن الده ائده بيلرسينيز.) روماندان بير پارچا:

ادامه نوشته

QURŞUN HARDAN AÇILDI

قورشون هاردان آچیلدی؟

"ایواز طاها"نین رومانیندان بیر پارچا

مين­آتيلاني [مسلسلی] ائيواندا قوردوق. آياقليق‌لاري گؤده‌ک اوْلدوغوندان، ياتاق تاختيني سورودوك ائيوانا. ايندي مين‌آتيلان تاختين اوستوندن بوٍتون مئيداني ال­ايچي‌ كيمي گؤروردو. حؤرمه قارغي‌اوْتوراجاغي چكديم آلتيما. قونداغي داياديم كؤكسوٍمه، سوْل گؤزومو قيييب، ساغ گؤزوم­له باخينجادان [مگَسَك­دن] باخاراق مين­آتيلاني فيرلاتديم: ساغدان سوْلا، سوْلدان ساغا. باخينجادان باخان من دئييلديم، توٍفنگین اؤزو ايدي كي، شرارت دوْلو گؤزلرله ماريتلاميشدي. بارماغيمي ته­تييه [ماشايا] قوْيدوم. اوٍره­ييم ته‌تيکده دؤيوٍنوردو. بيلميرديم بارماغيمين نبضي دؤيوٍنور، يوْخسا ته‌تييين گؤده‌ك ساپلاغي قوش­اوٍره‌يي كيمي ياتيب قالخير.

ادامه نوشته