ــ تمیزلنمهین لکه: خوآن بوش/ ایواز طاها
مندن اؤنجه كئچيب گئدهنلرين
هاميسي باشلاريني وئرميشديلر. من بو باشلاري قارشي ديوارداكي ويترينلرده اوزون
سيرايا دوٍزولموش حالدا گؤرموٍشدوم. امينم كي، بولاشيق هاوا بو ويترينلرين ايچينه
سيزميردي. دريلرينين آلتينداكي دامارلاردا قان آخماسا بيله، بو باشلار تخمينَن
ديري اولدوقلاري واخت كيمي ماراقلي طرزده ساخلانيليرديلار. اعتراف ائديرم كي، بو
سرگينين تاماشاسي منده درين و گؤزلهنيلمز قوْرخو اوياتميشدي. بير آن آنلاديم كي،
قوْرخودان دوْلايي دوْنوب قالميشام.
ــ فاشیزمین متدولوگییاسی
فاشیزم "قان"
و "تورپاق" وورغونلوغوندان عیبارتدیر. باشقا سؤزله، فاشیزم بللی جوغرافیا
سینیرلاری ایچینده یئرلشن اؤز
سویـونو [نژادینی] بوتون سویلاردان اوستون سایماسیدیر. لاکین بونلار یالنیز فاشیزمین مضمونودور. بونلاردان اؤنمسیز اولمایان مسئله ایسه فاشیزمین مئتودولوگییاسیدیر: دورتو و دوشونجهنین قاریشدیریلماسی. دورتو و دوشونجه
منطیقی باخیمدان قارشیلیقلی ایلگیده دئییللر، لاکین فاشیزم اونلاری قاریشدیرما مئتودو ایله اؤزونه
مشروعیت قازانیر.
ــ چایخانا مدنیتی/ 2ـجی بؤلوم
سارترين نظرينجه، ووجود
ماهييتدن اؤنده گليردي. آمما قورولوشچولارين گؤردوکلري دونيادا نه ووجود واريدي،
نه ماهييت. سارترين اينانجينا گؤره، «گؤبهلکدن و بورانيدان فرقلي اولاراق» اينسان،
اؤزنو گليشديرير، آمما قولوشچولارا گؤره، اينسان گؤبهلکدن سئچيلميردي. بونونلا دا
، سارترين آلينتري ايله يوخلوغون آغزيندان
قاپديغي وارليغين شوشهسيني اونلار يئره چالديلار: وارليق يوخلوغا يئنيلميشدي.
بئلهليکله آيدين اولدو کي، سارترين «اينسان اؤزونو فورمالاشديران وارليقدير»
سؤزو، يالنيز يوخودور. يوخ يانيلديم، يوخو دئييلدي، قورخو ايدي، ايضطيراب ايدي.