ایواز طاها اؤتن گونلرده بیر نئچه کیتابا سون نؤقطهنی قویموشدور:
● آنجاق شعر؛ بیرآز دا سئوگی، دوشونجه و سیاست (فلسفی فراگمئنتلردن عیبارت اولان بو کیتاب ایشیق اوزو گؤرمزدن اؤنجه، بو دوشرگهده بؤلومـ بؤلوم گئدهجک.)
● رومان (آدینی هله گیزلی ساخلاییر، آمما یاییم ایجازهسی یئنیجه وئریلیب.)
● ساغلام دیل (ایکینجی چاپ؛ کیتابین حجمی بیرینجی باسقییا نیسبت ایکی قات آرتمیشدیر.)
● قورخو سنین آردینجا سورونور (شعر ترجومهسیـــ یازار دئییر: بونو چوخدان یازمیشدیم، یاییمائولرینین بیرینده ایلیشیب قالمیشدی، ایجازه آلا بیلمیردی. کیتابدا بیر داها ال گزدیردیم، شابک و فیپاسینی دا باشقا یاییم ائوی آلدی، یاییم ایجازهسی...؟)
● هابئله "شعر وارلیغین ائویدیر" باشلیقلی کیتابین بیرینجی و ایکینجی جیلدی اوچون "پینار" یاییم ائوی نشر ایجازهسی آلمیشدیر. بئلهلیکله بو کیتابین اوچونجو باسقیسی بو یاخینلاردا ایشیق اوزو گؤرهجک. همین یایین ائوی "دیکتاتور" آدلی کیتابین نشرینه ده ایجازه آلماغا چالیشیر. بلکه 1999ـجو ایلدن توز باسمیش بو کیتاب دا ایشیق اوزو گؤردو.