قاپینی دابانیندان چیخاریب قالدیردیلار
قاپینی آرابایا چاتیب آپاردیلار.
ــ ایندی قاپینین بومبوش کانداری، یالقیز سوسوز ایتین آغزی کیمی گونش آلتیندا تؤوشومکدهدیر ــ
اوتاقلاری آپاردیلار.
>>>
ماکس ائشتیرنئری Max Stirner فردچی آنارشیزمین آتاسی آدلاندیرساق یانیلماریق. ائشتیرنئر 19-جو يوزايللييين بؤيوك آنارشيستيدير. بونون اوچون بو يازيدا نه اونون فلسفي باخيشي، نه ده اؤرنرمهلرینین اؤِزهيی ساییلان "اؤزلوك" سؤزجويو بيزي يانليشليغا سوروكلهمهمهليدير. بيلريك آنارشيزيم بارهسينده عمومي بير يانيلما وار. اونو بعضن هرجمرجليكله عيني سانيرلار. بو، كؤكوندن يانليشدير. آنارشيزم، كيمسهنين ايقتيدار قونوموندا بولونماقدان چكينمهسي، عيني حالدا اؤزگهنين ايقتیدارينا قارشي چيخماق آنلاميندا گئدير. بوردا گئدن "اؤزلوك" سؤزجويو ايسه ائتيك [اخلاقي] آنلام داشيمير. باشقا سؤزله، اؤزنو بهيهنمك و يا اؤزگهني اؤزونون منفعتلرينه قوربان وئرمهیین آنارشیزمه دخلی یوخدور. بئله بیر اؤزلوک آنلاییشی اينساني اؤز كؤلهسينه چئويرميش باشقا گوجلردن قورتولماغي آماجلايير. ائشتیرنئر بللی آنلامدا کانتین قئیدسیزـشرطسیز وظیفه آنلامینا یاخینلاشیر. سن اؤزونو بوتون خاریجی گؤرهولردن آزاد ائدیر، بونون آردینجا اؤز ایچینده قئیدسیزـ شرطسیز مسئولیت داشیمالی اولورسان.
>>> آقای ایواز طاها گویا در کتاب جدیدشان کلمهای بنام
"ایچیم" (معادل محتوا) وضع کردهاند. و آقای رامین جباری در مقاله خود
از چند بعد با ایچیم مخالفت کردهاند. اما به نظر من چندین اشکال در نوشته آقای جباری
هست که شاید به خاطر تصمیم قبلی برای مخالفت با همین واژه پیش
آمده است.
>>>
کئچنلرده سایین
ایواز بَی طاهانین «سیاستدن گؤزهللیه کئچیرم» آدلی یازیسینی اوخودوم. بو یازیدا
دیقتیمی چکن مسئلهلردن بیری، «ایچیم» سؤزجویونون تئرمین اولاراق ایشلهدیلمهسی اولدو.
یازینین اتکیازیسیندا بو حاقدا آچیقلاما وئرمیشدیر؛ «یئنی اثریمده
"ایچیم" تئرمینینی مضمونون content قارشیلیغی کیمی ایشلتمیشم. بو، فورما آنلامینی داشییان
"بیچیم" سؤزو ایله ده سسلهشیر». بو جوملهدن بئله
آنلاشیلیر کی، «ایچیم»ین ایشلتمه سببی «بیچیم»له سسلشمهسیدیر. منجه «ایچیم»-ی،
تئرمین اولاراق « Content»
[ایچهریک، موحتوا، مضمون] یئرینه ایشلتمک دوغرو اولماز. بو، بیر یؤندن «ایچیم»
سؤزجویونون قورولوشو ایله باغلیدیر. آشاغیدا بو قونودا دوشونجهمی سؤیلهییرم:
>>>
جنون گئرچک آنلاميندا آلازليق [خستهلیک]دیر. آجيدير، فلاکتدير. آمما مئتافوْريک آنلامدا اؤزگوٍرلويون قوْرخونج گوٍجوٍنو اؤز ايله داشييير. شمس يا نسيمي’نين جنونا توْخونماسي سؤز گليمي دئييل. بونلارين سؤزوٍنده جنونون قودساللاشديريلماسي، وورغونلوغون تاریخی شابلونلاشميش [کليشهاي] تکرارينا قاييتمير.
>>>
لیبی دئوریمینده ایستالیندن قالما جیندیر بیر گلهنک
بیردنبیره یئنیدن باش قالدیردی. سوریه دئوریمینده ایسه داها پلانلی، داها قورخونج
بیچیمده ایستئحصال اولوندو: "اعتیراف". منجه بو آکسییانی منفی آنلامدا
حؤکومتلرین نه قدهر دیکتاتور و یا دئموکراتیک اولدوقلارینین گؤستریجیسینه
چئویرمک اولار. اعتیراف نه دئمکدیر؟
>>>
"كؤلگهلر، قيلينجلار" سيلسيلهسيندن (4)*
سايين ايواز طاهانين «سياستدن گؤزهلليه كئچيرم» باشليقلي يازيسيني اوخودوم؛ بو مقالهده سايين طاها ايله بير چوخ باخيشلاريم اوست- اوسته دوشور، آنجاق بونا باخماياراق ايدئولوگييا و اخلاق بؤلومونه چاتاركن فيكير آيريليغيميزي سئزيب بير ايكي نؤقطهيه ايشاره ائلهمهيي واجيب سایديم . سايين طاها او يازي دا تلويحن ده اولسا ايدئولوگيياني بير نؤوع مودافیعه ائتميشدير.
>>>
منطق وارکن تنقيدده وار، تنقيد وارکن شخصي غرضلري تنقيد آدينا سيریماق، ايدئولوژيک سرسملري سؤزلره آشيلاماق آسانليقلا باش توتمور. زومره ادبیاتی، ادبیات پارتیالاری، بدیعی آلاندا یئرلیبازلیق خستهلیکلری آیاقلانیب یئریمیر. غرض منطیقه یئنیلیر. بللی بیر دوشونجه، معین بیر بدیعی اثر، هانیسیا عملی کیتاب دوستلوقدان، دوشمنچیلیکدن دولایی اؤیولمور، سؤیولمور.
>>>دورتو و دوشونجهنين بيرـبيرينه قاريشديريلماسي
قورغو نظريهسي دورتونون يالنيز الچاتماز و يا گيزلين اولماسيندان فايدالانمير، دورتو و دوشونجهنين بيرـبيرينه قاريشديريلماسيندان دا گئنيش يارارلانير. کسکينليکله دئمک اولار کي، قورغوشوناسليغين! باشليجا داياغي دورتو و دوشونجهنين بيرـبيرينه قاريشديريلماسيدير. >>>بو مقالهنين ايلکين واريانتي 90ـجي ايللرين اورتالاريندا درگيلرين بيرينه* يوللاندي. درگي بو ندنله کي، مقاله «گوج صاحيبلرينين باخيش طرزيني کسکين ديلله تنقيد ائدير، بئله بير تنقيد ايسه يولون باشلانغيجيندا اولان درگينينين باغلانماسينا گتيريب چيخارا بيلر، اونون درجيندن بويون قاچيردي. درگي حاقلي ايدي. چونکي مقالهنين باشليجا ادعاسي اولان "دورتو و دوشونجه جالاغي"، دؤولت بيلگي آراجلاريندان، هم ده يوکسک روتبهلي مقاملارين ديليندن واختآشيري سسلهنيردي. اساسن هر بير موخاليف دوشونجهنين همين يؤنتمين [روش] واسيطهسي ايله کسردن سالينماسينا جان آتيليردي. بوتون بونلارا باخماياراق، دوشونجهلره دوتورلرين ايشيغيندا باخماق (دورتوده ايشيق يوخ، قارانليق وار) يالنيز گوج قورولوشلاري ايله باغلي اولدوغونو گومان ائتمک يالنيش اولاردي. همين ياناشما طرزي، تاريخي سببلردن دولايي کوتلهنين "دونيا گؤروشو"نون [جهانبينيسينين] بير بؤلومونه چئوريلمهسهيدي، "گوج"ـون رسمي باخيشيندا اؤز عکسيني تاپمازدي. سونرالار، داها دقيق دئسک 2000 ـجي ايلده، مقاله فارسجا بوراخيليمش "قورغو نظريهسي" [نظريهي توطئه] باشليقلي کيتابيمين بير بؤلومو کيمي ايشيق اوزو گوردو.
دورتو سانکی قارانلیق عالمدن گلیر
قورغونون توخومو اؤنجه بئيينده جوجهرير، او
توخومون ياشيللانماسي اوچون الوئريشلي شرايط تاپيلمايينجا کوموندا قالير. بونا
گؤره ده قورغولاري آختاريب تاپماق يالنيز گوندهليک حياتين جوغرافي چئورهسي ايله
محدودلاشمير، عکسينه، بئله چاليشمالار اينسانلارين داخيلينده کي قارانليق عالمه
سيزير، اونلارين حافيظهسينين مين بير قاتيندا ائحتيمال اولونان قورغولارين آياق
ايزلري آرانير.
فاشیزم مئتودولوگییاسی (1)
فاشيزم "قان" و "تورپاق" وورغونلوغوندان عيبارتدير. باشقا سؤزله، فاشيست بللي جوغرافيا سينيرلاري ايچهریسینده يئرلشن اؤز سوْيـونو [نژاديني] بوتون سويلارا اوستون ساییر. هیتلئر 1938-ده دئییر: «ناسیونال سوسیالیزیمین باشلیجا پلانی لیبئرال فردچیلیک و مارکسیست اینسانچیلیق قاوراملارینا سون قویاراق اونلاری "کوتلهوی توپلوم"لا دیییشدیرمکدیر. بئله بیر توپلومون کؤکو تورپاقدا، بیرلییی ایسه قاندادیر.» لاکين بونلار يالنيز فاشيزمين مضمونودور. بونلاردان اؤنمسيز اولمايان مسئله ايسه فاشيزمين مئتودولوگيياسي[1]دير: دورتو[2] و دوشونجهنين قاريشديريلماسي. بو قاريشديرما باشقا تانینمیش بير نظريهيه سؤيکنمهدن مومکون اولمور: قورغو قورامی [توطئه نظريهسي][3].
>>>
"شعر سینیرسیزدیر" باشلیقلی مقالهیه جاواب
"كؤلگهلر، قيلينجلار" سيلسيلهسيندن (3)
نئچه گون اؤنجه سایین همت شهبازیدن بیر مقاله اوخودوم: «مئدیا و پستمدرنیزم». اؤزـ اؤزومه دئدیم کئشکه بئلهجه یازیلمایایدی. منه ائله گلدی کی، مقاله گئنللیکله بیر یانلیش دوشونجه اوزهرینده قورولوب. پستمدرنیزمین منیمسهنیلمیش آنلامی ایله باغلی بدیهی بیر یانیلما. بوندان کدهرلنمهیه بیلمزدیم.
>>>آنا یارپاق| دوشونجه| قیسا یازیلار| رومان، اؤیکو| تنقید| کیتاب| درگی، قزئت| گوزگو| کیملیک| دوشرگهنین تاریخی آردیجیللیقلا آرشیوی| فارسینوشتها| بیرباشا ایلگی| بوتون یازیلار|
● Bir grup öyrəncilərə bağlı bu internet düşərgəsi azərbaycanlı yazıçı
və düşünər EYVAZ TAHAnın yazılarını yayır
● Düşərgədə gedən yazılara görə sayın müəllifdən icazəli olsaq da bütün
texiniki çatışmazlıqların mısuliyyıti bizim üzərimizə düşür
● BU İNTRNET DÜŞƏRGƏSİNDƏN GÖTÜRÜLMÜŞ YAZILARIN QAYNAĞI MÜTLƏQ GÖSTƏRİLMƏLİDİR
● Bizim E-mail ünvanımız: yarpaqnews@gmail.com
● Yazarın E-mail ünvanı: eyvaztaha@gmail.com
© Bütün hüquqları qorunur və düşərgə sahibinə məxsusdur
